هذه المحاوره وهي بين ابو سيــــــف الدياني وابو عــــارف الكلوي

السلام عليكم ورحمة الله وبركاته

اقدم لكم هذه المحاوره وهي بين ابو سيــــــف الدياني وابو عــــارف الكلوي

والتي تمت بتاريخ12محرم 1432ه واتمنى ان تنال اعجابكم ولكم مني

خالص الشكر والتقدير

البدع ابو سيف الدياني

قال بو سيف با بد بـا الالـه المعظـم=ذي عليه اتكل بوسيف في كـل ليـام

انـت ذي لاذكرتـك يــا الـهـي تنـسـم=وانت ذي تبعد البلو ومنشورها حام

ابو جازع الكلوي

قال عار ف مراحب من ذكرنا وسلم=والتحيـة سـلام بدينـنـا ديــن لـسـلام

ابو سيف الدياني

قــد بديـنـا بــرب الـخـلـق خـــلاق ادم=ذي خلقنا وصورنا من اشكال وجسام

وانت ياعارف الكلوي ترحـب وتزهـم=مادريت ان بـن ديـان فـي حيدهـم زام

ابو جازع الكلوي

جب لنا قاف وافي مثل قاف ابن لزنم=مالبا هرج متشاكع به أخبـار وأعـلام

مالبا شـي عسـل تايـوان بغينـا مختـم=من عسلك البغية ذي مختم من العـام

ابو سيف الدياني

ويـش عـادك تبـا يـاذي تـفـرع وتنـهـم=خلك انسان متواضع وكن شخص قدام

مـا العسـل راح والمـولا بيمـنـاه قـسـم=حد معه قسم والثاني معه عدت اقسـام

ابو جازع الكلوي

باك تفهم لكن مامعي شخـص يفهـم=لا فهمني خوين لي ولاعيـال لعمـام

والقسـم مامعنـا شـي بعيـري مفـدم=مامعي فايده من قبل مايروح صدام

ابو سيف الدياني

حوه ياحوه يابو جازع الوقت مبهـم=لعنبو ذي على الوحده موقع بلبهـام

خانها من عمل فيها وبا الذنب اجرم=لاسقى ليلـت اتوحـد جبلنـا مـع سـام

يارفيـق العجـا ظنـك فـي الـيـل نـايـم=والعرب قاهده من مصر للهند لشـام

ابو جازع الكلوي

يـاصـلاح الـزمـن مـكــار وانـتــه تـنــدم=لاتـنــدم تـــرا مـايـفـيـد قــــول الـتـنــدام

ثــارت القـومـيـة وسـالــت أشعـابـنـا دم=وابتدى الحزب بعد القومية ذبح واعدام

والقـبـيـلـي تــأخــر والــقــروي تــقـــدم=السلاطيـن راحـت وانتهـى كـل ضرغـام

والـذي ماذبـح خـذ وقـت واهــوا مهـيـم=بــس ماعافـيـة دامــت ولاشــر قـــد دام

وأتـحـدنــا وضـيـعـنـا عــلــي يـامـسـلــم=والتـوابـيـع راحـــت والـدفـاتـر ولـقــلام

والحـراك أبتـدى والقاعـده ذي تـزرجـم=وان قـد نمـت لازم جاوبـك عبـر لـحـلام

ابو سيف الدياني

لاتـعـود لـنـا المـاضـي تــرا قلـبـي اسـتــم=ذاك ماضـي جعـل لـي عـود يانسـل لكـرام

مامضـاء مـات ياعـارف واجــزم واقـسـم=انتهت عصبـت الشيطـان مـن عـام لاعـام

راحـت القوميـه والـحـزب والقـايـد اسـلـم=واسلمو ذي في الخارج وذي داخل اشبام

اح ثـــم اح لاقــــد كــــل شــاجــع مـفـلـيـم=والـنـبـي مـاتـجـزع ليـلـتـك عـــدة افــــلام

يـا الله ادعـيـك فــي ليـلـة ثنعـشـر مـحـرم=فك شعب الجنوب الحـر مـن وحـدة الخـام

ابو جازع الكلوي

بعض مجهول في الذبحه وبعضه مرقم=يـوم كنتـو بسيـارات ماشـي لهـا أرقـام

يـــوم كـنـتـو تـشـلـو أي واحـــد تـكـلــم=حد في البير ترمونه وحد تحت لسـوام

والشهـادة علـى ذلـك بـن حسيـن لعجـم=تذبـحـون القبـايـل يــوم قريـتـو أخـــدام

يـوم كنتـو تمـزو فــي الـشـراب الملـيـم=ذا عملكـم وقــد هيمـتـو الشـعـب هـيـام

مابقي جيد فـي الديمـه ولا فـي المخيـم=غير ذي هرربوا به من رجاجيل همـام

ابو سيف الدياني

انتها الحـزب وانتـه ذي بلسـرار تعلـم=ليش تنكش عليـه مامضـا عبـر لعـلام

لست انا من يدافع عن عمل كل مجرم=بـلا انـا مـن يقـول الحـق ياعـز لسـلام

ذاك فعلن كما رعد العشاء يوم زرجـم=ســال سيـلـه ولاخلاسـواقـي ولاتـــلام

اطو صفحاتـك الماضيـه ياجيـد وجـزم=عل ولاعسى تلحق مـن الدهـر لوسـام

وافتحـو صفحـت الحاظـر عليـه تـقـدم=لاتبيعـون ارضـي لسـرق هـم ولـقـزام

ابو جازع الكلوي

عادنـي مـن وجعكـم ذاك بـاقـي مــرزم=والوجع في وسط قلبي وفي كل صمام

يـوم جبتـو لنـا دكتـور يكـوي ويحـجـم=سحب الشعب جابو له مكـوي وحجـام

وانشد أصحابكم والقاحلي وابن لشقـم=وانه اليوم لا واحـد سقـط ريـت لا قـام

وألف صلو على من زار طيبه وزمزم=ذي فصلنـا مـن الكـفـار عـبـاد لصـنـام

ابو سيف الدياني

انـت لازلـت مـن لـمـراض عــادك تـالـم=ماكفـتـك تسعتـشـر عــام وانــت بــلالام

العوالـق ماعهـم جـيـش والـذيـب ينـهـم=وانت لازلت ماسـك لـي خريـره ورجـام

من بلا الوحده الغبرء ترا الشعب يسعم=حـد مـع العبـر والثانـي مهيـم قــدا يــام

مـاتـر الـنـاس تتقـاتـل بـصـرق المـقـلـم=والعيارت من خزنت علـى هـي ولالغـام