البدع ابو سيف الدياني والجواب من الشاعر الكبير رياض ناصر المغني العميسي ( ابو العز )

بدع/الشاعر ابو سيف الدياني العولقي
((( صلاح بن علي الدياني الـعولـــقي )))
مرسل إلى الزميل الشاعر الكبير رياض ناصر المغني العميسي
ابو العز
تم يوم الأربعاء 5/نوفمبر/2014م 

يقول أبو سيف الفتى من رأس قمه عاليه
×××جذورها با القاع وأما رأسها فوق المثار
قمه على قمه ومحرابي بقمه عاصيه
×××مبعد وصلها جندي مريكا ولا جيش التتار
حامي حمى شبوه وشبوه وأهله متخاويه
×××لليلة يحن الحرب نتقلد حسينات العيار
نستوثق العروى ونثبت للخصوم الغازيه
×××ومن غزا شبوه قضى! ولا ؛ وسلم با الخيار
أسود با الغابه وفي وقع المعارك قاضيه
×××حان القضى يا ثعل صعداوي تبا مثل النمار
من كذب الواقع وقع في نار حمرى لاصيه
×××ومن يشب النار تاليته يقع وسط النيار
انا جنوبي عولقي ضد الجيوش الغازيه
×××بل ضد من خطط وقلعف با الكبيره والصغار
تحمل رؤا وأفكار ودة با اليمن للهاويه
×××وخلت الشعب اليماني يرتجف وسط النهار
اشعلتم الثوره وانتم با الحقيقه مافيه
×××بانت خفايا نيتك بعد التحاور والحوار
من خطط الغزوه لكم في ضل لليله داميه
×××ادميتم الدوله ودولتكم رضيت با الدمار
الجيش وينه؟يا عميسي ما وثق با الصافيه
×××سلم مواقع وستلم بل بعضهم قال الفرار
صنعاء بكت من فعلهم شف كيف باتت خاويه
××وكبارها شدو وخلوها قفا قصف الديار
لا فادها لحمر ولا حاشد ولا بو راويه
××× بل كلهم عابو بها والعيب يتلاه العوار
السيد الحوثي طمع ما قال صنعاء كافيه
×××يسعى إلى دوله نعم نبار يا صنعاء نبار
الواقع الملوس سنه شيعيه متلاويه
×××لوا مع السنه ولآخر ساند الشيعه جهار
سألت وتسالت من خطط وسدد زاويه
×××خطط ونفذ واليمن يدعي يبا دعم الجوار
يابن العميسي جاوب السائل هل أهلك راضيه
×××عن كل مايجري وما الحوثي يقوله با الشعار
أن قلت راضي ريت ابوكم تصبحو في حاويه
×××بنذر بكم للقرش يتعشاك في جوف البحار
ون قلت لا با قول يا ابو العز عندك داعيه
×××داعي دعا في آب والبيضاء تقاوم با العيار
قاوم مع من قام لا تجلس بدولة راقيه
×××والشعب يتجرع الم وانته تمشى با القطار
الفصل لول تم والثاني حروفه ماسيه
×××ماسي ونا مسؤول عن وزنه ورقمه والعيار!
مخصوص محور يعربي دام العرب متقاضيه
×××قاضي حكم با العدل والوحده توالت با الغبار
الحق حصحص ورحلو يهل الفلول الباغيه
×××خلاص كلن له بلاده حان تفكيك الحصار
دار الزمن دوره وشاهدنا العرب متصافيه
××× ما قدمه فتاح صفاه ابن هادي با المدار
طاب السمر يا هاجسي هات الحروف الناريه
×××ما دام والواضع احتدم قريب يوقع لنفجار
رص الدرر والؤل رصه خلها متساويه
××× بكرم بها الجمهور ذي يترقبو كشف القرار
قرار واحد وسمعه وخبر زعيم الناحيه
×××أن التوحد كان! والوحده غدة رمز الشجار
والليله الجفري رجع فعلن قراره داهيه
×××عود وسيف النصر في يده كما سيف الغفار
خيار واحد يا عدن منذو العصور الماضيه
×××والحاضر استلهم من الماضي معاني لنتصار
اما وعشنا حرار في ضل الضروف القاسيه
×××ولا وموت العز أفضل من حياة الانكسار
جودي معيه با الطرب يا ام العيون الحاليه
×××قريب عودة بسمتك بعد المواجع والصفار
يا مرسل تؤكل معك خطي وسجع القافيه
×××من حيث با وصيك روح عبر ميجات المطار
بلغ رياض الخط وهديته هديه غاليه
×××حروف زايد عطر مستورد مخصص للكبار
زايد تحيه عولقيه من صميمي وافيه
××× تبلغ وجاوبني على حسب التسأل و المسار
والختم صل الله عدد ما سأل قدو الساقيه
×××صلاه تبلغ سيدي مولى السياده والمزار



جواب ابو العز على ابو سيف

قال الفتى بو العز من بين الجبال الراسيه
========من شامخ الاملوك من ريدان من وكر النمار
من حيد قبلان الحضاره والاصاله باقيه
=========إب اللواء تاج المدن تاريخ منه المجد غار
ومن شعر حمير ومن أرض الوزير الداهيه
=========ابن الترب اول مناضل داس ع الباطل وثار
حمدي اليمن كان الأمل والنور رمز الحريه
=========لكن اسف ضاع الأمل من بعد توقيع القرار
والساع يا الهاجس سرى ضربه قويه قاضيه
=========من راس شاعر لا نهم هز الفيافي والقفار
لا ترحم العاصي ولا الباغي وذيل المافيه
==========جندل ابتهم يصبحوا عبره لـ اهل الإعتبار
شاعر حروفه نار حمراء محرقه كيماويه
=========ويل المعاند من لظاها يا دماره بـ الدمار
با اضل شامخ ما التفت لـ اهل الفتن والداويه
=========ذي شعرهم كله هراء فاضي مخيط بـ الهدار
البعض قصده يشتهر والحمل دبه خاليه
======والبعض له جنحين لكن ديك .. هل شي ديك طار؟!
مالي بهم قصدي بضيفي والحروف الشافيه
=========شاعر مثقف ممتطي خيل البلاغه بـ اقتدار
الكنجرس رحب وامريكا المدن والباديه
========يا العولقي في مقدمك فرحه كبيره في الديار
والان من وين ابتدي والبدع قصه دراميه
==========ابطالها حوثي وجفري طائفيه و انشطار
الاوله يا صاحبي حول العصابه الحوثيه
======لن ننخدع بــ اقولهم و افعالهم عكس الشعار
مهما تقدم او حشد لن ينتصر بـ التاليه
=========با ينتحر شا ذكرك لا يوهمك بــ الانتصار
محال يا ابو سيف وافكاره هزيله واهيه
==========لن تنطوي حيله علينا عار لو سلمت عار
مالي بدين الرافضي و إب ماهي راضيه
=========والعاصمه صنعاء دخلها يوم باعوها بوار
واللي حصل جيش الحرس ما زال يخدم بانيه
=========لولاه ما هج الذي غادر من الفرقه سحار
صالح وحزب الموتمر مع القوى الايرانيه
========مبروك با اصفق لهم يا العولقي تصفيق حار
ما دام والشعب البطل راضي تضلي جاريه
==========ما حيلتي يا صاحبي والمدح دينه والضمار
///////////////////////////////////////////////////
هذا خرج ذا فصل والثاني حمم بركانيه
======مفروض يا ابو سيف ما تدخل معيا في شجار
كم يا قصائد صغتها حول الملاك الحوريه
=========ذي بهذلوها قطعوا الثوب المطرز والخمار
شفها يمانيه وما هي يا فتئ بنغاليه
========اصحى ويكفي بلبله و اهتف يماني بـ افتخار
لـ ان اليمن اصل العرب والحر يعرف ماضيه
========دافع عليها كلها صنعاء عدن شبوه ذمار
بـ احلف بذي نزّل تبارك والفلق والغاشيه
=======انك يماني وان تقول العكس فـ ارحل قندهار
والبيض والجفري وقادات الحراك متعاديه
========لو شي بطل فيهم تأكد بـ ادعمه حالي وقار
عبيد للدولار والحره عليله حافيه
========يا العولقي بنت الحسب بيقامروا فيها قمار
وانته وشعار الحراك لا تهتروا با العافيه
=========قد بلطوا بحر العرب والقملي سونه حمار
بيبالغوا بـ اشعارهم عبر القصد والاغنيه
====== لو الهرج بيحرر عدن با الشطح با حرر ظفار
في ضل هذه التفرقه عزّوا على الفدراليه
=======الجهل اهدر حلمنا واللص يعبث بـ الحوار
سلمت لك عرش اليمن من بعد ثوره عاتيه
=======واصحابكم با اربع سنين جابوا التخلف والدمار
اكبر مناصب في يديك من الهرم للماليه
=======وقلت يا هادي انطلق والشعب من حولك سوار
عشرين سنه تشكو وتبكو (دحبشه )دحباشيه
=========واليوم دوله (قرطله) لفيف جمع لك قشار
انته الذي لازم تحاكم محكمه دستوريه
========امام كل الشعب يا ساس البلاء والانهيار
بارك معي هن الزعيم بـ المملكه السنحانيه
=========ما دام واصحابك بسابع نوم يهناه الثمار
قد اثبت الواقع بـأن الشعب رهن الحاشيه
========حار القلم يـ العولقي من حالنا والعقل حار
هذا جوابي لا هنا شلال يروي الضاميه
=========من بحري الزاخر تفضل در مكسيه محار
والختم صلينا على مولى الصفات الساميه
========و الآل والأصحاب ما يرعد وما شنت مطار